Stefnumót við innkaupastofnun Sameinuðu þjóðanna um tækifæri í Asíu og á Balkanskaga

Innkaupastofnun Sameinuðu þjóðanna (UNOPS) boðar til fyrirtækjastefnumóts fyrir norræn fyrirtæki. Býðst fimm fyrirtækjum frá hverju Norðurlandanna að fá einkafundi þar sem þau fá tækifæri til að kynna sínar lausnir og mynda tengsl við SÞ.

Fyrri daginn (15. nóvember) verður almenn kynning á innkaupaþörfum Sameinuðu þjóðanna í völdum löndum Asíu og á Balkanskaga. Um er að ræða eftirfarandi lönd; Indland, Indónesíu, Pakistan, Srí Lanka, Tæland, Georgíu, Kósóvó og Úsbekistan.

Seinni daginn (19. nóvember) er fimm íslenskum fyrirtækjum boðið á einkafund með innkaupastofnuninni til að kynna sig og sínar lausnir. Með fundi gefst íslenskum fyrirtækjum tækifæri til að mynda tengsl við þessa mikilvægu stofnun Sameinuðu þjóðanna.

Áhersla er lögð á sjálfbærar lausnir og græna tækni tengt innviðum, sólarorku, kolefnislosun, úrgangsstjórnun og endurvinnslu. Einnig heilsutækni m.a. vörur og þjónustu tengt COVID. Þetta er ekki tæmandi listi yfir þær þarfir sem eru til staðar í viðkomandi löndum og íslensk fyrirtæki eru hvött til að að hafa samband ef þau telja sig geta boðið lausnir sem eiga erindi við SÞ.

Sjá nánar:

• Boðskort
• Þarfalýsing - Needs and Challenges (uppfærð 8/11 2021)

Endanleg ákvörðun um þátttöku verður byggð á tímaröð skráninga og því hversu viðeigandi lausnir fyrirtækjanna eru. Þátttökugjald þeirra fyrirtækja sem verða valin verður EUR 350 eða ISK 52.400 en gjaldið er vegna leigu á fundabúnaði Tame sem notast er við.

Frekari upplýsingar veitir Gunnhildur Ásta Guðmundsdóttir, verkefnastjóri (gunnhildur@islandsstofa.is)