Uppbyggingarsjóður EES - tækifæri fyrir íslensk fyrirtæki

Rannís, Íslandsstofa og Orkustofnun standa fyrir kynningarfundi um tækifæri fyrir íslensk fyrirtæki til þátttöku í verkefnum á vegum Uppbyggingarsjóðs EES. Sérstök áhersla verður lögð á útboð á Grikklandi með áherslu á grænar lausnir, bláa hagkerfið og upplýsingatækni. Einnig verður kynnt fyrirtækjastefnumót um bláa hagkerfið í Evrópu sem fram fer í Aþenu 10. - 11. maí nk. og verða ferðastyrkir í boði.

Stund: Þriðjudaginn 8. mars nk. - kl. 13:00 - 14:00

Fundarstaður: Sjávarklasinn, Grandagarði 16, 101 Reykjavík og rafrænt

Dagskrá:

• Uppbyggingarsjóður EES með áherslu á nýsköpunar- og viðskiptaþróunaráætlunina
  Borgar Þór Einarsson, varaframkvæmdastjóri Uppbyggingarsjóðs EES
• Tækifæri fram undan á vegum Uppbyggingarsjóðsins á Grikklandi og víðar
  Rannís, Íslandsstofa og Orkustofnun
• Reynslusögur af samstarfi í gegnum Uppbyggingarsjóðinn
  Anna Margrét Guðjónsdóttir, framkvæmdastjóri Evris

Léttar veitingar verða í boði fyrir þá sem taka þátt á staðnum. Rafrænn hlekkur verður sendur út til skráðra þátttakenda.

SKRÁNING Á FUNDINN

Annað: Rafrænn kynningarfundur vegna útboðsins á Grikklandi, fer einnig fram með grískum, norskum og íslenskum aðilum þann 10. mars nk. Áhugasamir skrái sig á þann fund sérstaklega á B2Match.

Frekari upplýsingar veita Egill Þór Níelsson hjá Rannís og Gunnhildur Ásta Guðmundsdóttir hjá Íslandsstofu.